Plantun de Prouvènço

Pèr coumpara dos planto d'encò nostre

Juncus effusus & Opuntia engelmannii

Jounc-de-froumage

Juncus effusus

Juncaceae

Autre noum : Jounc-de-toumo.

Noms en français : Jonc diffus, Jonc épars.

Descripcioun :
Aquéu grand jounc trachis dins li palun, li mueio e li prado umido. Se recounèis majamen que li cambo, pleno, se roumpon eisa au contro dóu jouncas, Juncus inflexus. L'enflourejado es en ventau e li guèno di fueio soun bruno.

Usanço :
Coume soun noum lou dis, aquéu jounc servié à passa tèms à estourri li froumage (TdF). Se fasié de clado emé li tijo mounte èron pausa li caiat.

Port : Grando erbo
Taio : 40 à 120 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 2 à 3 mm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Jun à avoust

Liò : Palun - Mueio - Prado umido - Lono
Estànci : Mesoumediterran à Mountagnard
Couroulougi : Cousmoupoulito
Ref. sc. : Juncus effusus L., 1753

Raqueto(-d'Engelmann)

Opuntia engelmannii

Cactaceae

Autre noum : Pato-dóu-diable.

Nom en français : Oponce d'Engelmann.

Descripcioun :
Aquesto raqueto, vo pato-dóu-diable, trachis souvènt proche d'oustau o dins li vilage. Se recounèis à si raqueto verdalo proun pougnènto (aguio blanco de 1 à 3 cm) que podon faire fin qu'à 40 cm de larg e quàsi redouno. Li fru madur soun secous e de coulour pourpro. Fai pas jamai pu de 100 cm.

Usanço :
Li flour e li fru di raqueto soun manjadis. La raqueto èro deja proun utilisado pèr lis aztèque pèr sougna li plago e contro la pisso-douço. Èi peréu tounico e diuretico. Aro se retrobo dins proun de medicacioun pèr lucha contro la buerbo, lis artèri tapado e coume l'avèn di lou diabète.

Port : Aubret
Taio : 20 à 100 cm
Fueio : ges
Tipe bioulougico : Camefite
Cicle bioulougico : Planto renadivo

Gènre : Opuntia
Famiho : Cactaceae

Coulour de la flour : Jauno
Petalo : >6
Ø (o loungour) flour : 5 à 6 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Escoumbre e proche dis oustau - Camin - Pendis roucaious
Estànci : Mesoumediterran
Couroulougi : Óurigino Americo-Sud e Óurigino Meissique
Ref. sc. : Opuntia engelmannii Salm-Dyck ex Engelm., 1850

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Juncus effusus & Opuntia engelmannii

Coumpara Jounc-de-froumage emé uno autro planto

Coumpara Raqueto(-d'Engelmann) emé uno autro planto